职训局有新校舍 林郑帮到手

  图:陈镇仁会力撑政纲承诺支持职专培训嘅参选人/资料图片

  特首选举参选人林郑月娥前排推出初步政纲,喺教育方面着墨较多。职训局(VTC)主席陈镇仁(Clement)同郑晴透露,今年施政报告宣布向职训局拨出茶果岭地皮兴建现代化校舍,时任政务司司长嘅林太都有帮手。

  Clement话,之前有搵过教育局同其他部门倾觅地起校舍嘅事,但政府内部就将个波踢嚟踢去,一直无进展,最后都系直接搵林太,靠佢督促部门做好呢件事。Clement指出,林太做司长嗰阵,都好支持VTC嘅工作,听讲佢去过新加坡考察,睇到当地职业教育嘅发展,觉得香港都有需要喺呢方面加强。

  Clement本身都系工业界(第一)选委,上届特首选举,工总全数18票提名唐英年,今届就无捆绑提名。Clement就话,特首梁振英上任后,都很支持工总,工总与政府嘅关系都好好,佢自己就未决定支持边个参选人。至于最终会投畀边个,佢话要视乎边个参选人嘅政纲承诺支持职专培训喇。

  郑晴

责任编辑: 大公网

热闻

  • 图片

大公出品

大公视觉

大公热度