金庸武侠世界移师文化博物馆

  图:内地播紧金庸嘅《射鵰英雄传》大受欢迎

  内地而家播紧《射鵰英雄传》,深受观众欢迎,饰演黄药师嘅三哥苗侨伟更加被网民誉为“地表最型”,可见金庸嘅作品真系经得起时代考验,第七次改编都仍然成为网民热话。

  各位金庸粉丝有福了,因为香港首个以金庸为主题嘅展览馆将于三月喺香港文化博物馆正式揭幕。

  今次开幕礼,仲专登搵埋资深传媒人陶杰同埋李纯恩,分享一下佢哋同金庸相处嘅点滴。陶杰、李纯恩同金庸相交多年,对于金庸笔下嘅武侠世界、人文精神、哲学思想、人性剖析、艺术手段等都有切实而透彻了解,相信市民获益良多。

  咁交流会系几时举行呢?就系三月五号下午三点至四点半,喺文物博物馆一楼剧院举行,名额得三百个,有兴趣嘅读者记得致电21808260报名啦!

责任编辑: 大公网

热闻

  • 图片

大公出品

大公视觉

大公热度