靓仔巴裔警员:帮到人就开心

  图:范业成同粉丝“吹水”,好谦虚咁讲自己系普通人/警队网页图

  20岁巴基斯坦裔警察范业成,年多前透过“宝石计划”加入警队,十天前经歷咗难忘嘅一日,成功用“响音”(乡音)乌尔都语游说一名同乡,从处于高空吊臂嘅危险位置返回安全地方。事后佢话,“只要可以帮到人,就几开心”。佢咁叻,又咁靓仔,郑晴都几喜欢佢嘅。前日香港警察再发Facebook,搵到佢同粉丝“吹水”。

  范业成用乌尔都语同埋广东话介绍自己,又多谢大家支持。佢仲谦虚话自己同其他人一样,都系普通人,又讲“救人系我嘅职责,我都只系尽我本分。”

  除咗范业成,香港警察又搵到啱啱攞到桌球世界冠军嘅吴安仪同大家“吹水”,“四眼CUE后”趁呢个机会呼吁网民小心“裸聊骗案”,并告诫大家“同网友倾,唔使裸露身体嘅,所以要提防网上罪行,做个精明网民。”

责任编辑: 大公网

热闻

  • 图片

大公出品

大公视觉

大公热度