八十后做正副主席劳联后生晒

  劳联最近完成换届,新嘅核心成员换上咗年轻面孔。过往担任副主席嘅“80后”林振昇(上图)再上一层楼,成为主席;另一位“80后”谭金莲(Jenny)(下图)就由社会事务主任晋升为副主席。不过阿昇就同郑晴讲,自己虽则系80后,但不知不觉都喺工会十年,已经唔年轻喇喎!

  今届秘书长周小松就话,今年都特登换上年轻人上场,提供多啲机会,另外悬空咗好几年嘅“总干事”位置,亦都重金礼聘搵到合适人选,由电职工会副理事长朱育青出任。

  另外,阿昇又提到,近年能源及碳排放审核员助理成为新兴行业,唔少合资格嘅电工工友都可以参与工作,因应需求,有工会四月中就成立“能源效益行业总会”,创会会员有35人,日后当总会运作稳定,会再睇睇有无空间成为劳联属下工会。

责任编辑: 大公网

热闻

  • 图片

大公出品

大公视觉

大公热度