AR活化邮票 建筑活现眼前

  图:香港邮政新一辑“活化香港歷史建筑”特别邮票将于下礼拜二发售/大公报记者蔡文豪摄

  邮票控注意!香港邮政新一辑“活化香港歷史建筑”特别邮票将于本月25日,即系下个礼拜二发售。呢辑邮票一套六枚,分别印有本港六个活化歷史建筑项目嘅图案,而最特别嘅卖点系邮票首次应用咗AR(扩增实境)技术。只需要用手机 镜头对准邮票,即睇到建筑物嘅3D立体模型,名副其实睇得又玩得。

  呢次邮票选中嘅六个“角色”分别系We哗蓝屋、油街实现、绿汇学苑、石屋家园、元创方,同埋茂萝街活化项目,面值介乎1.7元至5元。邮票除咗以烫压印刷技术印製,收藏者仲可以透过“香港邮政邮票”流动应用程式,将每栋建筑物嘅3D立体模型呈现眼前,甚至仲可以查看建筑物简介同埋360度相片。最过瘾嘅系,3D立体模型嘅背景仲会根据日间、黄昏和晚间而实时改变,令人恍如置身其中,够晒盏鬼!

责任编辑: 大公网

热闻

  • 图片

大公出品

大公视觉

大公热度