人为“塞车”犯众憎

  图:有人为咗等人而将车停低马路中间,造成“大塞车”

  返工放工高峰时,路上有啲塞车唔出奇。但系,如果有司机为咗等人而将车停低马路中间,人为造成“大塞车”,真系好嬲。

  寻日宴昼两点半,郑晴就接到爆料,喺炮台山港铁站对面嘅英皇道,有一架车牌为U××××5嘅私家车,开到斑马线前面,突然停低,绿灯亮咗都唔走。

  两个字之后,后面“车龙”已经排到天后,喇叭声不断。有后面嘅司机上前理论,但一个卅几岁的着背心嘅纹身汉不为所动,坚决不开车之馀,后来见到犯众憎啦,竟然打起死火灯。

  佢喺成半个钟后,等到一名女郎上车先开车走。其他市民莫不摇头侧目,大嘆真没公德心。郑晴就想同呢位仁兄讲声,查实香港出晒名人多车多路又窄,尽管如此交通畅通度仍然举世知名,梗系唔止靠制度啦,更加唔少得系港人的高素质啰。

责任编辑: 大公网

热闻

  • 图片

大公出品

大公视觉

大公热度