救中暑猪BB 网民大赞暖男

  图:热心人见小野猪晕低帮牠淋水降温/网上图片

  近排天气热辣辣,西贡有BB野猪都顶唔顺,差啲中暑啊,好彩有暖男经过见到,畀水佢饮,帮佢遮太阳,否则就阴功猪啰!

  网上前日出咗文,话当日有人喺西贡发现一隻孤零零小野猪,行行下晕咗,疑似中暑,佢即刻畀水BB猪饮,BB猪无耐真系行得返,事后呢名暖男仲继续留低,照顾咗BB猪一阵。

  事件喺网上引起热烈讨论,唔少网民大赞呢位暖男有爱心,非常欣赏佢嘅行动。不过,都有网民问,点解唔报警或者call渔护署呢?

  呢位暖男寻日回应话,“地球系共同拥有,大家有大家嘅生活,见到佢(BB猪)咁唔舒服,咁咪尽人事帮到就帮,做到可以做嘅嘢,试图救野猪,都尽量唔想影响佢原有生活。”

责任编辑: 大公网

热闻

  • 图片

大公出品

大公视觉

大公热度