200生获颁闽希望工程奖学金

  图:香港福建希望工程基金会日前举行“杨自然、杨自顺、吴天墅、刘辉峰、余毅奖学金”颁奖典礼,宾主合影留念

  要培育子女成材,家长真系一啲唔悭得,又要买补充练习,仲要畀钱去补习,好在有“香港福建希望工程基金会”(基金会)嘅一班善长捐咗100万元,设立“杨自然、杨自顺、吴天墅、刘辉峰、余毅奖学金”,帮轻下啲家长,呢个奖学金有40间中学,共200位学生受惠,获奖学生每人会有5000蚊嘅奖学金,大会日前搞咗个颁奖典礼,咁多间中学嘅同学仔走埋一齐攞奖,场面真系热闹。

  颁奖礼当日,教育局副局长蔡若莲同中联办教育科技部副部长刘建丰都有嚟为获奖同学仔打打气。基金会主席余毅就话,自己都好重视仔女嘅教育,当然仔女读书有好成绩,都系靠佢哋自己努力所得,希望透过呢个奖学金,鼓励学生勤力啲读书,同时回馈香港社会。他致辞时更形容一众得奖学生就好似朝早八、九点嘅太阳,充满朝气,鼓励佢哋要不断进取学习。

  今次奖学金系由基金会副主席杨自顺贊助30万元,上届主席杨自然、主席余毅、副主席吴天墅各贊助20万元,仲有嚟自广州嘅善长刘辉峰贊助一万美元。

责任编辑: 大公网

热闻

  • 图片

大公出品

大公视觉

大公热度